- 19 -
1421 (22. września) TrokiTrakai, miasto na Litwie, w dzień św. Maurycego etc.
AleksanderKsiążę Witold, brat Władysława Jagiełły, na powtórnym chrzcie (prawosławnym) otrzymał imię Aleksander, Wielki Książę Litewski i Ruski etc., żąda od księcia Jana II. Żelaznego, pana na Raciborzu, uwolnienia husyckich posłów etc.
— Alexander anders Witold von gotes gnaden grosfurste zu Lithwan vnd zu Russen etc.
Dem irluchtigen fursten hern Johannes herczogen zu Ratibor. Irluchtiger furst vns ist zu wissen wurden, wie das ir die strengen ritter Wilhelm Costka, Hlassen von Miczken, vnsere alden diener vnd hofgesynde, die zu vns vnd vnserem dienste geczogen waren, vnd ouch die herren Waczlawen vnd Genczensteyn, vnd sust Waczlawen, die sust zu vnst diensthalben geczogen seyn, in ewer stat Ratibor gefangen habt, vnd wisset wol, was ir vns durch die edlen Sestrzenzen von Wandinwisschen vnsern diener vnd Bartholomeum vnseren schreiber vnd sust durch andere fil oberlewte vnd ewer breve emboten habt, gelobt vnd geschriben, vnd meynend fruntschaft vnd liebe zu erzeigen vnd unseren dienern furderung vnd sicherheyt durch ewer lande, wenn sich das gepuren wurde, zu tun. Hyrumb bitten wir euch, das ir die obegeschrieben unsere alden diener vnd hofgesynde, vnd ouch die zu vns dienstes halben geczogen seyn, frey mit allen den iren lassen wellet, wurdet ir aber des nicht tun, so sollet wissen, das vns das sol leyt seyn, vnd wollen dorumb ewer vnd ewer kynde feynd ersterben, wie wol das sy vns von vnserer swester angeborne frunde seyn, vnd das rechten nach allem unserm vermogen, vnd das alles haben wir vnd mer dorczu bevolhen dem obgenanten Bartolomeo vnserm getrewen mit euch muntlich zu reden, dem ir glauben wollet, was er mit euch zu diser zyt reden wirdet.
Geben zu Trotkyn an sant Maurici tag. Anno etc. xxi°.